"ألم يَأنِ للذين آمنوا أن تخشع قلوبهم لذكر الله؟" ✋🏻 في ظل الاحداث اللي بتحصل حولينا الاية دي جت في دماغى . . . 👂 الآية دي مش مجرد سؤال… دي نداء رحيم من ربنا على قلبك اللي لسه غافل ، ولسه بيأجل، ولسه فاكر إن العمر لسه طويل. كل كارثة حوالينا مش صدفة. كل حرب، كل شهيد، كل بيت بيتقلب على دماغ أهله… مش مجرد خبر في نشرة… دي رسالة من الله ليك ! ربنا بيقولك: "ارجع قبل ما يفوت الوقت." 💔 إحنا بنشوف الشعوب بتتشرّد، أطفال بتموت، ناس بتودّع أحبابها فجأة… ومع كده، لسه فينا اللي سايب صلاته، اللي بيأجل توبته، اللي ظالم حد ولسه مردش المظلمة واللي عايش كأن الحياة مضمونة 🌍 شايفين اللي بيحصل؟ بلاد بتنهار. أرواح بتُزهق. فتن بتكبر. بس السؤال: هل إحنا حاسين؟ ولا لسه في ناس بتقول "الدنيا ماشية"؟ الزلازل اللي بقت تيجي ورا بعض 🔥 الزلازل مش مجرد حركة أرض… دي رسالة بتقولنا: "قوموا… فوقوا… ارجعوا." ﴿ وما نُرسِلُ بالآياتِ إلّا تَخويفًا ﴾ دي تحذيرات… علشان ترجع. ✋ كفاية تسويف. كفاية تقول: "لما أخلص كذا، هبدأ أتغير…" مين قالك إنك هتلحق تخلص كذا؟ مين ضامن عمره؟ مين ضامن صحته؟ مين ضامن إنه يصحى بكرة أصلاً؟ 🔹 الغرب اللي بنجري وراه، علمنا نجري ورا شهوتنا، ونلحق موضات، ونقارن حياتنا بغيرنا… ونسيّنا روحنا… وسرق مننا هويتنا…وتمسكنا بدينا الجميل وفضل يتفرّج علينا وإحنا بنضيع في الفتن، ونضحك على نفسنا باسم "الحرية". متهيائلي 💡 آن الأوان نرجع لله ونقوله آن يارب آن أوان القلوب ترجع لخالقها. آن أوان الصلاة بخشوع، والدعاء بصدق، والتوبة من القلب. آن اوان مجاهدة النفس عن المعاصى والشهوات لاننا لو عرفنا نجاهد انفسنا هنعرف نجاهد اعداء الله زمان كان الصحابة لما بيرجعوا من المعركة بيقولوا "رجعنا من الجهاد الأصغر… للجهاد الأكبر." 👀 الجهاد الأصغر؟ ده اللي بيحصل في ساحة القتال. لكن الجهاد الأكبر؟ ده اللي بيحصل جوا القلب. جهاد النفس. 💥 إنك تمسك غضبك… إنك تغض بصرك… إنك تقول لأ لرغبة بتشدك بعيد عن ربنا… إنك ما تردش الإساءة بالإساءة… إنك تسامح وانت قادر تنتقم… إنك تقوم تصلي وانت نفسك تنام… ده الجهاد الحقيقي. 🌊 إحنا عايشين في زمن الفتن بتتقدّم لنا على طبق من دهب. زرار واحد يبعدك… وكلمة واحدة تخليك تقع… وكل يوم بيعدي بنختبر فيه: "مين أقوى؟… أنا ولا نفسي؟" 🔥 وكل ما تضعف قدام شهوة، أو تغرق في ذنب، أو تكسل عن طاعة… افتكر إنك في معركة. معركة ضد نفسك. ولو خسرتها… صعب تكسب أي معركة تانية. 📿 النفس بطبعها أمّارة بالسوء، ولو ما ربّيتهاش، هتسوقك… ولو ما قومتهاش، هتغلبك… لكن لو جاهدتها… هيتبدل حالك للاحسن، وهتشوف النور قدامك. 💪 الصحابة حاربوا، وانتصروا، ووقفوا على أرض المعركة، ورغم كده… كانوا شايفين إن أعظم معركة لسه مستنياهم: معركة داخلهم. جهادهم لنفسهم فـ آن الأوان… نرجع نحارب من جوّه. نقوم الليل، ونقفل الشاشات اللي وراها اذاي كبير ، ونكسر العادات الغلط، ونلغي متابعة كل حاجة بتسحبنا بعيد عن ربنا. ✋ آن أوان مجاهدة النفس عن المعاصي، عن التأجيل والتسويف ، عن الكسل وقله العمل ، عن العلاقات اللي بتبعدنا عن الطاعة. ✋ آن أوان إننا نكسر الهوى ونغلب شهواتنا ☝️ لان لو عرفنا نغلب نفسنا… هنعرف نغلب أي عدو، وهنعرف نثبت وقت الفتن، وهنعرف نوصل للجنة من أوسع أبوابها باذن الله . يارب للجميع