*استراحة الخميس (من هنا وهناك)* ✍🏻جعفر عباس: https://chat.whatsapp.com/IOHhqgnL89t3znBHx0a29o?s=cl&p=a&ilr=1 اسمعوا حكاية راجل بتول: مشيت العمرة وزغت، لكن قعدت 4 شهور بلا شغل حايم من بيت عزابة لي بيت عزابة. يوم حايم في السوق، لاقاني سعودي باين عليه مرتاااااااااااااااح شديد، كورك لي: يا زول سمعت انكم في السودان بتعالجو الزول المجنون وانا عندي اخوي مجنون. ممكن تعالجو لي؟ قلت لو: بالحيل بعالجو ليك بس اشتري لي بسطونة، المهم شلت البسطونة ودخلني سماحة بيت والعربيات 4 واقفات. ودخلني علي الزول المجنون لقيتو متحزم بي عقالو ويردح في نص الاوضة، وفي مرا زي القمرا وقت شافتنا زاغت لي جوه ودي كانت مرتو. قلت للزول الجابني؛ انت امرق برا واقفل الباب وما تفتحو علا اقول لك انا افتحو . ويقفل الباب وانا اقع لك في المجنون دق نظيف: لب لب. بتجن مالك اكان ما قلة ادب منك؟ لب لب الكهرباء رااااااقدة وبى بلاش ..لب لب والموية ما بتقطع ..لب باعوض ما في لب لب .. المجننك شنو والموزة عندكم ربع متر لب لب.. الجانى ليها شنو عربيتك الفورد واقفة بره؟ لب لب بيتك قصر. لب لب مرتك زي القمرا؟ ما جنيت انا المعرس بتول بت الخِدر؟ وامرق صورة لي بتول شايلها في جزلاني واوريها ليهو واقولو: عاين لي للكعــوبية دي وعاين لي مرتك؟ أكان كنت معرس البعاتية دي كنت سويت شنو؟ الناس يشربو الموية بالكوز وبتول بت الخدر تشيل الزير بيد واحدة وجق جق تشرب وتختو وبااااااااااع تتدشا.. لب لب النسوان يغنو ليهن: كان مشت تتفدع ، وبتول كان مشت تتضرع اها زولي من شاف صورة بتول راق شوية وهدأ وبعد شوية اتشعبط فوقي ويقعد يجعر ويبكي اتاريني حننتو.. بعد كم يوم اخوهو لاقاني قال لي الحمد لله اخوي بقى شديد، بس كلما يتذكرك يقعد يبكي (دا راجل بتول بت الخدر ما بتول بت حسن) = قال للدكتور: في حاجة في بطني تمشي من الجنبة دي للجنبة، يمين شمال. الدكتور سأله: أكلت شنو في الفترة الفاتت. قال: كجيك وام تكشو وام بقبق وكول ومرس وهالوك وقدوقدو وأناناس.. الدكتور قال ليه: بس دا بيكون الأناناس راسو ضارب وما عارف الحاجات المعاهو في البطن دي شنو وبيكوس درب المخارجة = أم الحسن راجعة من العمرة وضابط الجمارك فتح واحدة من شنطها، وهي قعدت في ﺍﻟﻮﺍﻃﺔ ﻭﺗﻨﻘﻨﻖ: ﻗﺎﻳﻠﻨﻲ ﺧﺎﻣﺔ ﺷﻨﻮ؟ ﺑﻼ ﺍﻟﻬﺪﻳﻤﺎﺕ ﺍﻟﺸﺎﻳﻼﻫﻦ ﻟﻲ ﺑﻨﺎﺗﻲ ؟ ﺍﻟﺨﻢ ﻳﺎ ﻳﺎﺑﺎ ﺧﻢ ﺣﻤﻴﺪ ﻭﺩ ﺍﻟﻤﺒﺎﺭﻙ. ﻭﺣﺎﺓ ﺟﻨﺎﻱ ﺍﻟﺘﻠﻔﻮﻧﺎﺕ ﺩﻱ ﺭﺻﺎﻫﻦ ﺻﻔﻮﻑ ﺻﻔﻮﻑ ﻓﻲ ﻛﺮﺗﻮﻧﺔ. وﺍﻟﻬﻨﺎﻳﺎﺕ ﺍﻟﻼﺕ ﺍﻟﺘﻠﻔﺰﻳﻮﻥ ﻭ ﺣﺎﺓ ﻧﻀﺮﻱ ﻛﺎﻥ ﺗﻼﺗﻴﻦ ﻛﺎﻥ ﺍﺭﺑﻌﻴﻦ. ﺳﺘﻔﻨﺎﻫﻦ ﺍﻧﺎ ﻭ ﺑﺘﻮ ﺍﻟﺘﻮﻣﺔ ﻓﻲ ﺑﻄﻦ ﺑﻴﺘﺎ ..ﺿﺎﺑﻂ ﺍﻟﺠﻤﺎﺭﻙ ﻗﺎﻝ سألها: ﻭﺣﻤﻴﺪ ﻭﺩ ﺍﻟﻤﺒﺎﺭﻙ ﺟﺎﻱ ﻣﺘﻴﻦ؟ ﻗﺎﻟﺖ ﻟﻴﻪ: ﻃﻴﺎﺭﺓ السبت ﺣﺘﻲ ﻗﺎﻝ ﻟﻲ: ﻛﻠﻤﻲ ﺍﻟﻌﻮﺽ ﺍﺧﻮﻱ ﻳﺠﻴﻨﻲ ﻓﻲ ﺍﻟﻤﻄﺎﺭ ﺍﻟﺴﺎﻋﺔ ﺧﻤﺴﺔ ﻋﺼﺮ ... قالو هسي ﺣﻤﻴﺪ ﻭﺩ ﻣﺒﺎﺭﻙ ﻣﻨﺘﻈﺮﺍﻫﻮ وردية الصباح ووردية المساء ﻓﻲ ﺍﻟﻤﻄﺎﺭ، وجايبين كلب بوليسى