📝 قصة الجنيه الساكنه معمل المستشفي التعليمي.📝 جنيه ساكنه في معمل مستشفي تعليمي معروف في غرب السودان ظهرت لممرض وطلبت منه الزواج بطريقه اسمعوا القصه للنهايه وادونا رايكم كان الممرض شغال في المستشفى، وفي يوم من الأيام مع دخلوا عليه مرتين لابسات نقاب ومعاهن طفل حالته تعبانة، عنده ملاريا والتهاب. لكن الحاجة الغريبة لفتت نظره... عباياتهم ونقاباتهم كانت باللون الأبيض، ما زي المعتاد... طلب منهم يرقدوا في الغرفة رقم ٥ لأنها مجهزة، لكن رفضوا وقالوا بإصرار: "لا... دايرين الغرفة رقم ٦." الغرفة رقم ٦ كانت لمبتها طافية وما شغالة، ، لكنهم أصروا يدخلوا فيها. مرت الساعات، وفي حوالي الساعة ١٢ بالليل، كان الممرض قاعد بره قريب من المكتب كعادته في المناوبة، وفجأة ظهرت قدامه واحدة من المنقبات. سلمت عليه، فاستغرب من جيتها قال ليها الولد تعب ولا شنو؟ ردت عليه: "لا... جيت بس أسلم عليك. و هو بيتكلم معها، لاحظ شيئ غريب ومخيف انه عيونها بدأت تتغير، من اللون الأسود إلى الأزرق! وفجأة تكشف ليهو النقاب الممرض قال "شفت جمال ما شفت زيه في حياتي، وفاحت منها ريحة عطر غريبة أول مرة أشمها." رغم الخوف والرهبة، بدأ يسمع كلامها. قالت ليهو.. "أنا مرتاحة ليك... عندي شركات ومعارض وعربات، لكن أنا أصلاً ما من العالم ده... أنا من العالم الآخر، ساكنه السعوديه وكنت ساكنة هنا في المعمل بتاعكم." وبمشي وبجيهو كل فتره "بس وافق علي، أنا دايراك وما بخليك تخاف مني، وما بأذيك." " قال ليها ليها أنا؟ ما شوفتي الناس الكتار ديل؟" قالت ليهو لأنه قلبك نضيف وأنت زول طيب طلب منها فرصة يفكر ويشاور نفسه، فقالت ليهو تمام... بقابلك تاني." وفجأة اختفت أمام عينيه! فتش يمين وشمال... ما لقاها... هنا بدأ يستوعب الحاصل، والخوف دخل قلبه. جرى لصاحبه وزميله خالد في الاستراحه وحكى ليه كل شيء. ساقوا ومشوا يتأكدو منهم في الغرفة رقم ٦... والصدمة كانت كبيرة لقوا انه اللمبة الماكانت شغاله مولعه والغرفة كانت نظيفة ومرتبة، وكأنه ماكان فيها زول اساسا ونافيها اي اثر ناس كانو قاعدين بعد الحصل ده للمرض بدأت معاناته... خوف، أرق، ومشاكل في النوم. قرر يرجع لأهله في نيالا، وهناك مشي لأخوه واخوه اصلا شيخ بعالج بالرقية الشرعية. وخلال الرقية، يقول إنه نطقت على لسانه صوت الجنيه وقالت اسمها "سحابة"، وأنها جنية تعلقت بيهو، وأنها من السعودية وكانت ساكنه في معمل المستشفي بتمشي السعوديه وبترجع للمعمل بين فتره وفتره بعد فترة اتحسنت حالته والحمد لله، لكن بقي شيء واحد محير وغريب... رسائل بتجيه من رقم سعودي، كلمات غريبة وغير مفهومة... ومن ضمن الرسائل كانت آية: "ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة إن في ذلك لآيات لقوم يتفكرون." لكن السؤال... ليه المرتين المنقبات اختاروا الغرفه المضلمه رقم ٦؟؟؟؟ وكيف اشتغلت اللمبه البايظه بعد اختفاءهم وهي اساسا واقفه من قبل ماهم يدخلوها ؟؟؟ هل الرسائل البتجيهو في الواتساب منها ولا مجرد صدفه؟؟؟ المتابعين الكرام حافظوا على اذكاااااركم وصلواتكم وشاركونا بارائكم ولو بالصلاه علي النبي تفاعلكم مهم...