صحيت بدري اليوم، ووقفت في منطقة كلها حركة... ناس ماشّة شغلها، ناس فاتحة محلاتها، ناس بتجري وراء رزقها، وناس يمكن لسه ما عارفين يومهم حيمشي كيف. لكن الحاجة العجبتني... الكل بيسعى. رغم الظروف، ورغم التعب، ورغم عدم وضوح بكرة مرات... الناس لسه بتصحى، تلبس، تطلع، وتحاول. المشهد ده ذكرني إنو الحياة ما بتوقف عشان الظروف صعبة. كل زول عنده معركته، وكل زول بسعى بطريقته، وكل زول متعلق بأمل إنه بكرة يكون أحسن. ربنا يرزق كل ساعي، ويبارك في تعب الناس، ويفتح لينا جميعاً أبواب الخير من حيث لا نحتسب. 🤍