💚💚 من إضاءات عكير الدامر 💚💚 ﻫﻤّﻚ ﻛﺎﻥ ﺟﺒﻞ ﻟﻮﻙ ﺍﻟﺼﺒﺮ ﺑِﺘﻬﺪّﻭ ﻣﺸﻮﺍﺭﻙ ﻃﻮﻳﻞ ﻛﺮِّﺏ ﻟِﺠﺎﻣﻚ ﺷِﺪﻭ ﻛﻔﻚ للضعيف ﺑﺎﻟﺤﺴﻨﺔ ﺩﺍﻳﻤﺎ ﻣِﺪّو ﻭﺍﻟﺒﺎﺏ ﺍﻟﺒﺠﻴﺐ ﺍﻟﺮﻳﺢ أﺧﻴﺮﻟﻚ ﺳِﺪﻭ **** **** **** اﻏﺘﻨﻢ ﺍﻟﺸﺒﺎﺏ ﻗﺒﻞ ﺍﻟﺮِﻭﻳﺲ ﻣﺎ ﻳﺸﻴﺐ ﺍﻟﻌﺎﻗﻞ ﺩﻭﺍﻡ ﻟﻲ ﻧﻔﺴﻮ ﺑﺒﻘﻰ ﻃﺒﻴﺐ ﻣﺎ ﺗﺨﻠﻴﻚ ﻋﺠﻮﻝ ﺍﻟﻌﺠﻠﺔ ﻣﺎ ﺑِﺘﺼﻴﺐ ﺩﺭﺏ ﺍﻟﻤﻬﻠﺔ ﻟﻠﺤﻮﻝ إﻥ ﺻﺒﺮﺕ ﻗﺮِﻳﺐ **** **** **** ﺧﺎﻳﻨﺔ ﺍﻟﺪﻧﻴﺎ ﻣﺮات ﺗﺸﻮﻓﺎ ﻭﺟﻴﻬﺔ لامن ﺗﻔﺘِﻨﻚ ﺑﻲ ﺯُﺧﺮُﻓﺎ ﻭﺑﻲ ﺗﻴﻬﺎ أﺣﺴﻦ ﺗﻨﺴﺘِﺮ ﻣﻦ ﺍﻟﺒﻼﻭﻱ ﺍﻟﻔﻴﻬﺎ ﺩﺍ ﺍلبرقص ﺑﻘﻮﻟﻮا ﺩِﻗﻴﻨﺘﻮ ﻣﺎ ﺑﻐﻄﻴﻬﺎ **** **** **** ﻣﻄﻠﻮﻕ ﺍﻟﻠﺴﺎﻥ ﺍﺧﺘﺎﻫﻮ ﻻ ﺗﺒﺎﺭﻳﻬو ﺩﺭﺏ ﺍﻟﺤﺴﻜﻨﻴﺖ ﺷﻮﻑ ﺍﻟﺒﻼﻭﻱ ﺍﻟﻔﻴﻬﻮ ﻭﻟﺪﻙ ﺑﻲ ﻛﺘﺎﺏ ﺍﻟﻠﻪ ﺍﻟﻜﺮﻳﻢ ﺭﺑﻴﻬﻮ وان ﻛِﺒﺮ ﺍﻟﻮﻟﺪ ﻻ ﺗﻌاندو ﺑﻞ ﺧﺎﻭﻳﻬﻮ **** **** **** ﺧﺎﻭﻱ ﺍﻷﻏﺒﺶ ﺍﻟﺤﺎﻓﻆ ﺍﻟﻜﺘﺎﺏ ﻭﺍﻟﻤﻠﺔ ﺭﺍﻓﻊ ﺭﺍﺳﻮ ﻓﻮﻕ ﻣﺎﺑﺮﺿﻰ ﻋِﻴﺸﺔ ﺍﻟﺬلة ﺍﺑﻌﺪ ﻣﻦ ﻃﺮﻳﻖ ﺍﻟﻤﺎ ﺑﻘﻮﻝ ﺑﺴﻢ ﺍﻟﻠﻪ ﻭﺍﻟﺠﺎﺭ ﺍﻟﻔﺴِﻞ أﺣﺴﻦ ﺗﺴﻴﺒﻠﻮ ﺍﻟﺤِﻠﺔ **** **** **** ﻋﻴﺶ ﻓﻲ ﺍﻟﺪﻧﻴﺎ ﺿﻴﻒ ﺍﻋﻤﻞ ﺣﺴﺎﺏ ﻳﻮﻡ ﺑﺎﻛﺮ وﺍﺳﺠﺪ ﻟﻠﻜﺮﻳﻢ ﺍﺑﻘﺎﻟﻮ ﺣﺎﻣﺪ ﻭﺷﺎﻛﺮ ﺍﺳﺘﻐﻔﺮ ﻛﺘﻴﺮ ﻣﺎ ﺗﻨﺴﻰ ﺧﻠﻴﻚ ﻓﺎﻛﺮ ﺍﻟﻤﻮﺕ ﺑﻠﺤﻘﻚ ﻟﻮ ﺑﺤﺮﺳﻮﻙ ﻋﺴﺎﻛﺮ **** **** **** أﺻﻠﻮ ﺍﻟﻤﻮﺕ ﻧﻬﺎية ﻟﻠﺒﺸﺮ ﺣﺘﻤﻴﺔ ﻻ ﻭﺍﺳﻄﺎﺕ ﺑِﺘﺸﻔﻊ ليك ﻻ ﺟﻮﺩِﻳﺔ ﺭﺑﻨﺎ ﻓﻲ ﺍﻟﻜﺘﺎﺏ أﺩﺍﻧﺎ ﺣُﺠﺔ ﻗﻮﻳﺔ ﻗﺎﻝ ﺍﻟﻤﻮﺕ ﺑﺠﻴﻚ ﻟﻮ ﻓﻲ ﺑﺮﻭﺝ ﻣﺒﻨﻴﺔ **** **** **** ﺷﺎﻳﻔِﻚ ﻳﺎ ﻧﻔﺲ ﻓﻲ ﺍﻟﻔﺎﺭﻏﺔ ﻳﻮمي تجوطي ﻓﻲ ﺍﻟﻐﻲ ﻭﺍﻟﻀﻼﻝ ﻣﻦ ﺑﺪﺭﻱ ﻗﺎﻋﺪﺓ تسوﻃﻲ ﺑﺎﺏ ﺍﻟﺘﻮﺑﺔ ﻣﻔﺘﻮﺡ ﻟﻴﻙ ﻗﺒﻞ ﻣﺎ ﺗﻤﻮﺗﻲ ﻭﺍﻥ ﻭﻗﻊ ﺍﻟﻘﺪﺭ ﻭﺭﻳﻨﻲ ﻭﻳﻦ ﺑﺘﻔﻮﺗﻲ **** **** **** **** صباح الخير والعافيةعليكم