محتاجين نبطل نعامل بعض بأثر رجعي.. الفكرة اللي اتاخدت عن شخص من سنة أو اتنين، سواء كانت حلوة أو وحشة، وارد جدًا متبقاش موجودة فيه دلوقتي، ووارد كمان تتغير بعد سنة. الإنسان بيتغير مع الوقت؛ أفكاره، شخصيته، نظرته للحياة، وحتى طريقة تعامله مع المواقف. وعشان كده، مش منطقي نحاسب حد على نسخة قديمة منه، ولا نفضل شايلين عنه انطباع اتكوّن في وقت مختلف. كل فترة ليها ظروفها، وكل مرحلة بتغيّر في الإنسان بشكل أو بآخر.. فمتعاملش الناس بنسخهم القديمة، وسيب لكل شخص مساحة إنه يتغير.